Një moment tensioni ka ndodhur në samitin e G20-s. Lideri i Kinës, Xi Jinping, është filmuar teksa akuzon kryeministrin kanadez, Justin Trudeau, se ka nxjerrë detaje sekrete nga takimi i tyre me dyer të mbyllura.
Përmes një përkthyesi, presidenti i vendit komunist i thotë se kjo ishte tepër e papërshtatshme dhe e akuzoi liderin e Kanadasë se nxori në media përmbajtjen e një bisede të sinqertë.
Xi Jinping po i referohej raportimeve se Trudeau ka diskutuar për dyshimet e spiunazhit kinez dhe ndërhyrjen në zgjedhjet e Kanadasë në takimin e tyre në Indonezi, i pari në pesë vite. Pasi buzëqeshi dhe lëvizi kokën, kryeministri u përgjigj duke thënë se “në Kanada njerëzit besojnë në dialog të hapur, të sinqertë dhe të lirë”.
Përpara se të përfundonte fjalën Trudeau, presidenti i Kinës e ndërpreu duke i thënë se fillimisht duhen krijuar kushtet për dialog dhe më pas i dha dorën dhe u largua nga ky ballafaqim aspak i këndshëm. (A2 Televizion)
A2 CNN Livestream
MUND TE LEXONI GJITHASHTU
