Debutimi i Shqipërisë në kampionatin e botës të motorsportit ka dhënë rezultate shpresëdhënëse për rritjen e këtij sporti plot adrenalinë edhe në vendin tonë.
Në kampionatin e organizuar nga FIA, Motorsport Games 2022 që po zhvillohet në Marsejë të Francës, dhe ku përfshihen disiplina të ndryshme të automobilizmit, piloti Gentjan Shaqiri shkëlqeu në kategorinë Cross Car Senior, ku arriti deri në gjysmëfinale.
Një rezultat që mund të cilësohet si historik, nga momenti që përballë kishte kampionë bote dhe europe në këtë kategori, që kanë vite që e praktikojnë këtë disiplinë, ndërkohë që Shaqiri ndan pasionin për shpejtësinë me rolin e tij si pedagog i ekonomisë në universitetin e Tiranës.
Piloti shqiptar madje tentoi të prekte edhe finalen, por e mungoi atë për dy pozicione.
Shqipëria u përfaqësua nga katër pilotë në tre disiplina të ndryshme në Edicionin e 2-të të kompeticionit botëror. Përveç Shaqirit, morën pjesë edhe Nensi Vathi dhe Aleksandros Begolli në kategorinë Karting slalom dhe Andri Gjoka në Esports, pra në garimin virtual që tashmë është shndërruar në një kategori sportive e mirëfilltë. (A2 Televizion)
A2 CNN Livestream
MUND TE LEXONI GJITHASHTU
