Ish-kryeministri italian, Giuseppe Conte, dhe ish-ministri i Shëndetësisë Roberto Speranza do të merren në pyetje nga gjykata e ministrave në Brescia më 10 maj.
Conte dhe Speranza janë nën hetim për mënyrën sesi e menaxhuan fazën e parë të pandemisë në shkurt të 2020-s.
Dokumentet e prokurorisë së Bergamos, e cila kreu hetimin për epideminë dhe moskrijimin e zonës së kuqe në Alzano dhe Nembro, u dërguan te kolegët nga Brescia, të cilët nga ana e tyre i dërguan ato në Tribunalin e Ministrave, të kryesuar nga gjyqtarja civile Maria Rosa Pipponzi dhe e përbërë nga dy gjyqtarë të tjerë civilë.
Për sa i përket hetimit të Bergamos, dyshimet për rëndim të epidemisë, vrasje të shumëfishtë, refuzimi i dokumenteve zyrtare dhe falsifikimi.
Në qendër të hetimeve nuk janë vetëm rastet e vdekjes në godinat e kujdesit shëndetësor në Val Seriana, por edhe mos shpallja si zonë e kuqe.
“Do të ishin shmangur 4000 vdekje”, është teza e prokurorit mbi bazën e raportit teknik të profesor Andrea Crisanti.
Për hetimet në fjalë të dyshuarit janë 19, kryesisht zyrtarë të shëndetësisë në kohën e kryeministrit Conte. (A2 Televizion)
A2 CNN Livestream
MUND TE LEXONI GJITHASHTU
