Vedat Muriqi ishte protagonist kryesor i ndeshjes së kësaj të hëne mes Elche-s dhe Mallorca-s, e cila u mbyll në barazim 1-1.
Sulmuesi i përfaqësueses së Kosovës e nisi takimin duke humbur një mundësi të artë për të shënuar kur u gjend i vetëm përballë portierit kundërshtar. Më pas, ai ekzekutoi një 11-metërsh në të cilin gaboi.
Ndërkohë, në pjesën e dytë Muriqi realizoi golin e barazimit për Mallorca-n, me anë të një tjetër 11-metërshi, ndërsa 5 minuta nga fundi, ai u ndëshkua me kartonin e kuq pasi goditi në kokë kundërshtarin.
Ky ishte goli i katërt për shqiptarin deri në këtë fazë të këtij sezoni në La Liga, por që tashmë do të mungojë në ndeshjen e ardhshme për shkak të kartonit të kuq. (A2 Televizion)
A2 CNN Livestream
MUND TE LEXONI GJITHASHTU
