Pas shumë protestash dhe premtimesh, naftëtarët e uzinës së përpunimit të naftës në Ballsh, janë detyruar paraditen e kësaj të hëne të marrin vendimin për t’u futur në grevë urie.
Gazetari i A2, Armend Pirre, ishte në ambientet ku po mbahet greva e urisë, nga ku intervistoi kryetarin e sindikatës së naftëtarëve Sokol Dautaj, i cili shprehet se prej një viti naftëtarët janë në rrugë .
“Prej gati një viti, naftëtarët janë në rrugë, në kushte shumë të vështira ekonomike. Para pak kohësh ne kemi pasur një grevë urie dhe menduam se arritëm një zgjidhje. Megjithatë, në këtë moment që ne flasim jemi totalisht të humbur sepse nëse ky privat vjen, menaxhon rafinerinë dhe largohet duke mos mbajtur asnjë lloj përgjegjësie, atëherë kujt duhet t’i drejtohemi ne? Ata thonë se është përgjegjësi e privatit me privatin. Ne kemi kërkuar një gjë farë të thjeshtë. Ministrja duhet të priste një përfaqësi nga naftëtarët. Familjet e naftëtarëve nuk ushqehen me fjalë boshe. A ndjen përgjegjësi për qytetarët e vet ky shtet”, u shpreh Dautaj, i cili ishte i pari që u fut në këtë grevë urie.
Të gjithë punëtorët e rafinerisë, përfshi edhe gratë, janë shprehur të gatshëm të futen në grevë urie për të drejtat e tyre, pagat e pamarra dhe rifillimin e punës. Ata janë shprehur se nëse nuk u jepet zgjidhje kërkesave të tyre ekonomike, ato do të dalin vetëm të vdekur nga greva e urisë. (A2 Televizion)
A2 CNN Livestream
MUND TE LEXONI GJITHASHTU
