Seriali “The Idol”, me protagonistë këngëtarin The Weeknd dhe aktoren Lily-Rose Depp, vajzën e Johnny Depp, do të përfundojë një javë më herët, pas polemikave të shumta mbi përmbajtjen e tij të tepruar.
Ka pasur shumë kritika për këtë serial, madje është përshkruar edhe si një “porno torturë”, për shkak të përmbajtjes eksplicite të tij.
Pritej që seriali të kishte 6 seri, por The Weeknd konfirmoi në rrjetet sociale që seria e pestë do të jetë edhe e fundit.
Ende nuk ka shpjegim zyrtar pse ky serial u vendos që të ndërpritej.
Seriali është ndërtuar mbi personazhin që përfaqëson Lily-Rose Depp. Ajo është Jocelyn, një këngëtare që pëson një krizë nervore në turneun e saj të fundit.
Më pas, ajo takohet me drejtuesin e një klubit nate misterioze Tedros (The Weeknd) për të provuar të kthejë karrierën e saj në rrugën e duhur.
Në serial luajnë gjithashtu Dan Levy, Jane Adams, Rachel Sennott, DaVine Joy Randolph, Hank Azaria, Elizabeth Berkley dhe Anne Heche. (A2 Televizion)
A2 CNN Livestream
MUND TE LEXONI GJITHASHTU
