25 yje që luajnë kryesisht në Premier League dhe një skuadër me vlerë mbi një miliard euro. Trajneri i Anglisë, Gareth Southgate, publikoi listën e futbollistëve të grumbulluar për dy ndeshjet e fundit kualifikuese, përballë Shqipërisë dhe San Marinos.
Në skuadrën e “Tre Luanëve”, të mbushur me yje si Abraham, Grealish, Phil Foden, Harry Kane apo Raheem Sterling, ka edhe 5 rikthime tejet të rëndësishme. Duke nisur nga mbrojtësit, me Harry Maguire dhe Trent Alexander-Arnold, për të vijuar me mesfushorët Kalvin Phillips dhe Jude Bellingham, e për ta mbyllur me sulmuesin Marcus Rashford.
Kombëtarja shqiptare do të përballet me atë britanike në Wembley, më datë 12 nëntor. Anglia kryeson Grupin I kualifikues të Botërorit 2022, me 20 pikë pas tetë sfidave. Në dy ndeshjet e mbetura, atyre i nevojiten vetëm tre pikë që të konfirmohen si fitues të grupit dhe të sigurojnë kualifikimin në Botërorin e Katarit.
Në anën tjetër, kuqezinjtë ndodhen në vendin e tretë me 15 pikë, dy më pak se Polonia. Kombëtares i nevojitet një fitore në dy ndeshje për t’u konfirmuar në këto pozita, edhe pse synohet befasia në Londër, për të provuar deri në fund të rrëmbejmë vendin e dytë.
Të grumbulluarit e Anglisë:
Portierë - Sam Johnstone (West Bromwich Albion), Jordan Pickford (Everton), Aaron Ramsdale (Arsenal).
Mbrojtës - Trent Alexander-Arnold (Liverpool), Ben Chilwell (Chelsea), Conor Coady (Wolverhampton), Reece James (Chelsea), Harry Maguire (Manchester United), Tyrone Mings (Aston Villa), Luke Shaw (Manchester United), John Stones (Manchester City), Kyle Walker (Manchester City).
Mesfushorë - Jude Bellingham (Borussia Dortmund), Jordan Henderson (Liverpool), Mason Mount (Chelsea), Kalvin Phillips (Leeds United), Declan Rice (West Ham United), James Ward-Prowse (Southampton).
Sulmues - Tammy Abraham (AS Roma), Jack Grealish (Manchester City), Phil Foden (Manchester City), Harry Kane (Tottenham), Marcus Rashford (Manchester United), Bukayo Saka (Arsenal), Raheem Sterling (Manchester City). (A2 Televizion)
A2 CNN Livestream
MUND TE LEXONI GJITHASHTU
