Partia Demokratike reagoi me shqetësim për gjendjen kriminale në vend, duke theksuar se Shqipëria është kthyer në fushëbeteje të bandave.
Sipas Klevis Balliut, në pak muaj janë regjistruar 47 atentate që i kanë marrë jetën 24 personave.
“Gjendja kriminale në vendin tonë ka arritur në nivele të paimagjinueshme.
Në pak muaj qytetet tona kanë përjetuar terrorin dhe dramën e 47 atentateve, në të cilat kanë humbur jetën 24 persona dhe janë plagosur 23 të tjerë.
Vendi është kthyer në një fushëbetejë të bandave, të cilat edhe nëse nuk kanë mbrojtjen e qeverisë, kanë ‘lejen’ e Edi Ramës: ‘hëngshi kokat’!
Gjendja kriminale në Shqipëri është kthyer në problem edhe për partnerët tanë europianë. Raportet ndërkombëtare si ai i “Numbeos” e vënë Shqipërinë të dytën e Europën Jugore.
Raporti i Departametit të Shtetit i datës 2 Mars evidenton se krimi i organizuar në vendin tonë ka arritur nivele të larta.
Kryeprokurori i Antimafias Italiane ka deklaruar se fuqia e bandave shqiptare vjen nga lidhjet e ngushta me qeverinë dhe në veçanti evidenton pastrimin e parave në fushën e ndërtimit, çka ka sjellë dhe rritjen e çmimeve të apartamenteve.
Ndërkaq inkriminimi i institucioneve të shtetit shqiptar, në veçanti të Policisë, ka minuar ne themel luftën ndaj bandave”, tha mes të tjerash Balliu. (A2 Televizion)
A2 CNN Livestream
MUND TE LEXONI GJITHASHTU
