Nuk ka qetësi tek Milani! Merkato e verës ka nisur e zjarrtë për kuqezinjtë. Pas largimit të Ibrahimovic, Diaz dhe Tonali, Milani nuk po gjen qetësi. Emri i radhës që mund ti jap lamtumirën kuqezinjve është mbrojtësi i krahut të majtë Theo Hernandez.
Për francezin kanë mbërritur shumë oferta në klub por deri tani asnjë nuk ka bindur drejtuesit kuqezi. Pas United dhe Atletico Madridit, së fundmi garës i janë shtuar Sheikët e Newcastle që duan të marrin shërbimet e lojtarit. Edhe pse operacioni duket mjaft i vështirë, për ta lënë të lirë futbollistin, Milani kërkon një ofertë faraonike, jo më pak se 100 milionë euro.
Për momentin anglezët ende nuk e kanë dhënë ofertën zyrtare dhe e gjitha kjo mbetet një hipotezë. Hernendez ka rinovuar së fundmi me kuqezinjtë me një pagë prej 4 milionë euro neto dhe mbetet një nga gurët e themelit të skuadrës së Piolit, megjithatë përballë një oferte tunduese, klubi i Jerry Cardinale vështirë se do të thoshte jo.
Përveç Theo Hernandez, Newcastle ka shfaqur interes dhe per Frederico Chiesa. Futbollisti i Juventusit nuk ka marrë hapësirat e duhura tek italianët, kjo për shkak dhe të dëmtimit të tij në gjurin e majtë. Siç raportohet futbollisti do të takohet me drejtuesit bardhezi javën e ardhshme dhe më pas do të vendosë për të ardhmen. Për Kiessen kanë shfaqur interes dhe klube të tjera europiane si Liverpool apo Bayern Munchen. (A2 Televizion)
A2 CNN Livestream
MUND TE LEXONI GJITHASHTU
