Igor Belanov ka fituar Topin e Artë në vitin 1986. Që kur nisi lufta në Ukrainë, ish-futbollisti vendosi të mbronte vendin e tij nga Rusia.
Në një intervistë për sportiven spanjolle “AS”, Belanov shprehet: “Që ditën e parë kur nisën bombardimet, vendosa të mbroja atdheun dhe familjen time. Nuk jam ushtarak, kështu që u bashkova me ekipin e mbrojtjes së Bashkisë së Odesës. Në shkurt-mars 2022, kishte rrezik shumë të madh që të na pushtonin forcat e marinës ruse, si dhe trupat nga ana e Krimesë. Unë dhe djali im nuk patëm dyshime, morëm armët dhe u bashkuam me paraushtarakët për të bërë rezistencë”.
62-vjeçari tregon edhe se në llogore merr me vete Topin e Artë.
“Ai çmim i përcjell gëzim dhe emocione pozitive ushtarëve. Ndoshta është e vështirë për t’u kuptuar, por janë momente për të cilat kanë nevojë të gjithë ushtarët dhe të gjithë vullnetarët. Ata duan të ndjejnë shijen e jetës normale”, thekson Igor Belanov.
Në vitin 1986, Igor Belanov, i cili luante për Dinamon e Kievit, mposhti konkurrencën e Gary Lineker (Barcelona) dhe Emilio Butragueno (Real Madrid).
(A2 Televizion)
A2 CNN Livestream
MUND TE LEXONI GJITHASHTU
