1158 – Duka i Saksonisë dhe Bavarisë, Henri ‘Luani’, themelon qytetin Mynih në brigjet e lumit Isar, pranë një kuvendi murgjish benediktinë. Kështu qyteti mori dhe emrin München (gjermanisht “Murg”). Mynihu është kryeqyteti i shtetit gjerman të Bavarisë dhe qyteti i tretë më i madh në Gjermani, pas Berlinit dhe Hamburgut. 
1777 – Flamuri me 13 shirita të bardhë e të kuq dhe 13 yje të bardhë në sfond blu, miratohet nga Kongresi, si Flamuri i Shteteve të Bashkuara. Me shtimin e shteteve do të shtoheshin edhe shiritat dhe yjet. Sot ky flamur ka 50 yje që përfaqësojnë 50 Shtetet e Bashkuara dhe 13 shirita që përfaqësojnë 13 kolonitë që u bënë 13 shtetet e para. 
1789 – Uiski i distiluar nga misri u prodhua për herë të parë nga kleriku amerikan Elia Craig dhe u quajt Bourbon, sepse kleriku Craig banonte në qarkun Bourbon të shtetit Kentucky. 
1900 - Hawaii u bë territor i SHBA-së. 
1920 – Lindi në Shkodër Ramadan Sokoli, muzikant, kompozitor, shkrimtar dhe etnomuzikologu i parë shqiptar. Çmohet si njëri prej studiuesve më të mëdhenj të muzikës shqiptare dhe ballkanike. 
1928 – Lindi në Argjentinë Ernesto Çe Gevara. Revolucionar, shkrimtar dhe guerilas marksist argjentinas dhe hero i komunistëve të Amerikës Latine, si dhe një figurë e njohur e shekullit të XX. 
1949 – U formua shteti i Vietnamit. 
1951 – SHBA: Kompjuteri i parë komercial, UNIVAC I, u vu në përdorim. Pak javë më pare kompjuteri ishte instaluar në Zyrën e Regjistrimit të popullsisë. Në vitin 1952, UNIVAC I u përdor nga rrjeti CBS për të parashikuar rezultatin e zgjedhjeve. 
1962 – Themelohet në Paris Organizata Evropiane për Kërkime në Hapësirë, sot Agjencia Evropiane e Hapësirës. 
1996 – Rebelët çeçenë morën 2000 njerëz peng në një spital në Rusi. 
1999 – U arrit çlirimi i Gjakovës nga pushtuesit serb. 
14 qershori është Dita Botërore e Dhurimit të Gjakut
Kalendari historik, 14 qershor. (A2 Televizion)
