425 – Valentiniani III zgjidhet Perandor Romak në moshën 6-vjeçare. 
1871 – Lindi Atë Gjergj Fishta. Ai ishte kryetar i komisionit në Kongresin e Manastirit më 1908, që miratoi alfabetin. Ishte përkthyes i delegacionit shqiptar në Konferencën e Paqes në Paris në vitin 1919, pastaj, sekretar i delegacionit. Në fund të vitit 1920, Shkodra e zgjodhi deputet të saj në parlamentin shqiptar. At Gjergj Fishta ishte gjithashtu shqiptari i parë kandidat për çmimin Nobel për letërsi. 
1892 – U nda nga jeta Abdyl Frashëri, 53 vjeç, një prej ideologëve te parë të Rilindjes Kombëtare Shqiptare. Ai ishte më i madhi në moshë mes 3 vëllezërve Frashëri: Naimit e Samiut. Abdyl Frashëri njihet si nismëtar dhe udhëheqës i Lidhjes së Prizrenit. 
1911 – Për herë të parë një avion përdoret në luftë. Një piloti italian niset nga Libia për të vëzhguar vijat e frontit të ushtrisë turke gjatë Luftës turko-italiane. 
1915 – Në Nju Jork, rreth 33 000 gra marshuan në “Fifth Avenue” për të fituar të drejtën e votës. 
1940 – Lindi në Brazil legjenda e futbollit Pele. Në Brazil vlerësohet si hero kombëtar. I njohur për arritjet dhe kontributet në futboll, u shpall ambasador zyrtar botëror i FIFA-s dhe thesar kombëtar nga qeveria braziliane.
Kalendari historik, 23 tetor. (A2 Televizion)
A2 CNN Livestream
MUND TE LEXONI GJITHASHTU
