1683 – William Penn nënshkruan një traktat miqësie me fiset indiane në territorin që do të merrte emrin e tij, “Penn-silvani”, koloni britanike – sot shteti amerikan Pensilvani. 
1865 – Në SHBA krijohet Shërbimi Sekret, ndërkohë që 1/3 e monedhave në qarkullim në atë kohë ishin të falsifikuara. Shërbimi Sekret u krijua për të kapur falsifikatorët. Sot ky shërbim është përgjegjës edhe për ruajtjen e presidentit të Shteteve të Bashkuara. 
1875 – U nda nga jeta kompozitori i famshëm francez Georges Bizet. 
1899 - Mbylli sytë në Vjenë kompozitori i madh Johan Shtraus i Ri, i cili, duke vazhduar veprën e familjes së tij, krijoi mjaft vepra muzikore, ku spikasin të gjitha llojet e vallëzimit, kryesisht vals, si: "Karnavalet në Romë" apo i madhërishmi "Danubi blu". 
1931 - Lindi lideri aktual i Kubës, Raul Castro. Ai e mori pushtetin në Kubë nga vëllai i tij më i madh, Fidel, pas largimit të tij nga skena politike tre vjet më parë, për shkak të gjendjes jo të mirë shëndetësore. 
1940 – Lufta e Dytë Botërore: Udhëheqësi gjerman Adolf Hitler viziton Parisin, pasi sapo kishte pushtuar gjithë Francën. 
1941 – Gjermania naziste fillon pushtimin e Bashkimit Sovjetik. Lideri sovjetik, Joseph Stalin, befasohet nga sulmi i papritur i forcave të Adolf Hitlerit. Nazistët marshojnë drejt Moskës. Ai kështu shkeli marrëveshjen e nënshkruar ndërmjet Gjermanisë dhe Bashkimit Sovjetik për respektimin e sovranitetit reciprok. 
1965 - Edward White eci për herë të parë në hapësirë. Astronauti amerikan doli nga sonda “Gemini” në një lartësi prej 216 km mbi tokë. 
Jo më shumë se dy vjet mbas kësaj ngjarjeje historike, Astronauti Edward White vdiq nga zjarri ndërkohë që përgatitej për një mision tjetër në hapësirë. 
1981- Mark Chapman e pranon se kishte qëlluar për vdekje këngëtarin e “Beatles”, John Lennon. Në dhjetor të vitit 1980 ai kishte vrarë këngëtarin më të famshëm të asaj kohe. Chapman kishte ndryshuar në mënyrë dramatike deklaratën, duke theksuar se thirrja për vrasjen e Lennon-it i kishte ardhur nga Zoti. 
1999 - Qeveria e Slobodan Milosheviç pranoi planin ndërkombëtar të paqes për Kosovën. NATO shpalli se bombardimet ajrore do të vazhdonin, derisa 40 mijë ushtarët serbë të tërhiqeshin tërësisht nga Kosova. 
2001 – Ndahet nga jeta Anthony Quinn, aktor meksikano-amerikan, si dhe piktor e shkrimtar. 
2006 - Mali i Zi ndahet nga Serbia. 
2016 – Ndahet nga jeta Muhammad Ali, boksier profesionist amerikan. Ai konsiderohet si një ndër boksierët më të mëdhenj në kategorinë e rëndë.
Kalendari historik, 3 qershor. (A2 Televizion)
A2 CNN Livestream
MUND TE LEXONI GJITHASHTU
