Njerëz që rrëzohen papritur në tokë, mjekë që nxitojnë t’i ndihmojnë, pamje dramatike raportohet të jenë xhiruar në Wuhan, qytetin e futur prej disa ditësh në karantinë pas përhapjes së kornavirusit. Videot janë shpërndarë në rrjetet sociale, ku ata që i kanë postuar thonë se bëhet fjalë për qytetin Wuhan, të shndërruar si një qytet me “zombie”, por ende nuk është konfirmuar vërtetësia e tyre.
Deri tani, virusi që sulmon sistemin e frymëmarrjes u ka marrë jetën mbi 25 personave ndërsa në të gjithë botën mendohet se 800 vetë janë infektuar. Edhe pse sëmundja është kryesisht e përhapur në Kinë, raste të tjera janë shfaqur edhe në Vietnam, Korenë e Jugut, Tajlandë, Tajvan, Singapor, Hong Kong, Makau dhe Japoni. (A2 Televizion)
