Ndonëse në mes të mandatit të tij, prokurori i Përgjithshëm i Bullgarisë, Ivan Geshev, është shkarkuar nga detyra me një vendim të presidentit, Rumen Radev.
I emëruar në vitin 2019, me një mandat 7-vjeçar, kryeprokurori Geshev u vendos në syrin e ciklonit të politikës dhe ndërkombëtarëve, në lidhje me punën e tij me mangësi të mëdha në luftën kundër korrupsionit.
Radev nënshkroi një dekret për shkarkimin e Geshevit tri ditë pasi Këshilli i Lartë Gjyqësor i Bullgarisë votoi për ta rrëzuar atë.
Shtetet e Bashkuara dhe Britania në muajin shkurt të këtij viti sanksionuan disa shtetas bullgarë për korrupsion në atë që disa ekspertë e interpretuan si zhgënjim për dështimin e Geshevit për të goditur njerëzit e fuqishëm të përfshirë në korrupsion.
Geshevi fillimisht gëzonte mbështetjen e Këshillit Gjyqësor, por ajo u zbeh në maj pas deklaratës së tij, ku i cilësoi ligjvënësit si "plehra politike". (A2 Televizion)
A2 CNN Livestream
MUND TE LEXONI GJITHASHTU
