Pothuajse 5 milionë fëmijë, gati dy të tretat e të gjithë fëmijëve ukrainas kanë ikur nga shtëpitë e tyre në gjashtë javë që nga pushtimi i Rusisë. Këto shifra alarmante vijnë nga agjencia e OKB-së për fëmijë.
Drejtori i programeve të urgjencës së UNICEF-it, Manuel Fontaine, tha se të shpërnguleshin 4.8 milionë nga 7.5 milionë fëmijët e Ukrainës në një kohë kaq të shkurtër, është diçka që ai nuk e kishte parë të ndodhte kaq shpejt në 31 vjet punë humanitare.
“Ata janë detyruar të lënë gjithçka pas, shtëpitë e tyre, shkollat e tyre dhe, shpesh, anëtarët e familjeve të tyre”, tha ai në Këshillin e Sigurimit të OKB-së.
"Kam dëgjuar histori të hapave të dëshpëruar që prindërit po ndërmarrin për t'i çuar fëmijët e tyre në siguri dhe fëmijët janë të trishtuar që nuk janë në gjendje të kthehen në shkollë."
"Nga 3.2 milionë fëmijë që vlerësohet se kanë mbetur në shtëpitë e tyre, gati gjysma mund të rrezikojnë të mos kenë ushqim të mjaftueshëm", i tha Fontaine Këshillit të Sigurimit të OKB-së.
OKB-ja ka verifikuar gjithashtu vdekjen e 142 të rinjve, megjithëse ata kanë paralajmëruar se numri aktual është pothuajse me siguri shumë më i lartë.
Ambasadori i Ukrainës në OKB, Sergiy Kyslytsya, pretendoi se Rusia ka marrë më shumë se 121 000 fëmijë nga Ukraina dhe thuhet se ka hartuar një projektligj për të thjeshtuar dhe përshpejtuar procedurat e birësimit për jetimët dhe madje edhe ata që kanë prindër dhe të afërm të tjerë. (A2 Televizion)
A2 CNN Livestream
MUND TE LEXONI GJITHASHTU
