Në mbledhjen e parë të Këshillit të Ministrave, kryeministri Rama i tërhoqi vëmendjen anëtarëve të kabinetit të tij të ri, për respektimin e Kodit të Etikës. Ndërkohë, nuk ka vonuar edhe reagimi nga Partia Demokratike. Orjola Pampuri, Zëdhënësja e Grupit Parlamentar të PD, e quan fjalimin e Ramës si një propagandë bajate.
“Propaganda bajate e qeverisë më të korruptuar në Ballkan, i darkave te Nusreti dhe hoteleve 700 euro nata, shfaq si risi kodin e etikës që qysh prej 2013-ës përdori për t’u hedhur hi syve, qytetarëve.
Të gjithë e mbajmë mend me sa ‘etikë’ u ngrit sistemi nepotik në qeveri, me sa ‘etikë’ vëllezër e kushërinj ministrash gëzuan paprekshmërinë për t’u kthyer në zota të drogës dhe trafiqeve, duke dëshmuar se fjalët e shumta mbi etikën fshihnin pikërisht mungesën e saj, pasi si atëherë edhe tani, PPP-ja Rama, Doshi, Rakipi, bashkëqeverisjen, e ka me krimin dhe kundër interesave të shqiptarëve”, mbyllet postimi i Pampurit në Facebook. (A2 Televizion)
A2 CNN Livestream
MUND TE LEXONI GJITHASHTU
