Prej 25 vitesh atmosferës së festave kombëtare të pavarësisë dhe çlirimit, u është shtuar edhe një refren i veçantë: “Shihemi në panair”. Nga e mërkura deri të dielën në mbrëmje shkrimtarët, përkthyesit, botuesit po aq sa edhe redaktorët, presin në Pallatin e Kongreseve dashamirësit e librit.
Ishte viti 1998 kur panairi i librit është mbajtur për herë të parë si ngjarje artistike. Kohët e vështira në të cilat kaloi shoqëria shqiptare nuk e penguan asnjë vit festën e librit, duke u shndërruar prej 25 vitesh ndër më të veçantat e nëntorit pas ditës së flamurit dhe asaj të çlirimit.
Kreu i shoqatës së botuesve shqiptarë ka theksuar se ndonëse ka një bashkëpunim të hershëm me Ministrinë e Kulturës, 5 ditë në Pallatin e Kongreseve në emër të librit nuk mjaftojnë për ta çuar atë deri te shkollat.
Ndaj edhe kërkoi bashkëpunim për të fituar lexuesin e së ardhmes, të vegjlit sot.
Panairi këtë vit bën bashkë rreth 100 botues nga trojet shqipfolëse dhe gjithçka në emër të librit dhe lexuesit shqiptar. (A2 Televizion)
A2 CNN Livestream
MUND TE LEXONI GJITHASHTU
