Banorët e Korçës duket se nuk po e trajtojnë me seriozitet situatën e krijuar nga koronavirusi në shumë vende të botës.
Edhe pse qeveria herë pas herë ka forcuar masat e sigurisë dhe ka shtuar thirrjet që njerëzit të qëndrojnë në shtëpi për të ndihmuar në parandalimin e përhapjes së kësaj sëmundje vdekjeprurëse, në Korçë nuk duan t’ia dinë.
Banorët e këtij qyteti mezi presin orën 16:00 për të dalë nga banesat e tyre dhe për të vijuar xhiron sikur të jemi në një situatë normale dhe kërcënimi nga virusi ka marrë fund.
Kodrat e qytetit dhe parku janë vendet e preferuara të korçarëve për 2 orët e lejuara pasdite. Duket qartë neglizhenca e qytetarëve që nuk përdorin as doreza e as maska mbrojtëse.
Policia vijon monitorimet në këto zona kryesisht për automjetet që janë pa autorizim ndërkohë që duhet të zbatojnë detyrimet dhe për këta qytetarë. (A2 Televizion)
A2 CNN Livestream
MUND TE LEXONI GJITHASHTU
