Pas një reagimi të parë, ku shprehën zhgënjimin e tyre për mosvlerësimin e duhur në garën muzikore ndërkombëtare, Eurovision 2023, ka reaguar sërish Albina Kelmendi dhe familja, ku përmes një statusi në rrjetet sociale, shprehin falënderimin ndaj atyre që e mbështetën, kompozitorit Enis Mullaj dhe tekst-shkrueses Eriona Rushiti.
“Mbështetja e popullit tim, dhe e të të tjerëve, na bëri fitues në misionin dhe qëllimet tona të prezantimit në Eurovizion. Pjesëmarrja jonë në Eurovision dhe kjo eksperiencë e familjes sime është dhe do të mbetet ëndërr e realizuar në mënyrën më të mirë falë jush! Ne jemi të lumtur dhe krenarë që arritëm ta përfaqësojmë Shqipërinë me vlerat tona artistike, autentike, humane e shpirtërore!
Unë, familja ime, kompozitori dhe tekstshkruesja e kësaj vepre dhe stafi ynë që punuam aq shumë pa kursyer asgjë nga vetja jonë u shpërblye me mbështetjen tuaj, fillimisht duke na votuar që të shkojmë në finale dhe në fund i treguam botës që jemi shumë, jemi shqiptarë dhe nuk ka çmim as privilegj që të na shmangë nga kultura jonë.
Fjalët janë të pakta tek ju falënderojmë, dhe është e vështirë të gjejë fjalët e duhura ta përshkruaj gjithë dashurinë qe kemi marrë këto ditë nga ju! Me ne dhe me Ju, Evropa, Australia dhe Amerika kënduan shqip! Duajeni dhe respektoni njeri-tjetrin, kjo është kultura jonë. Ju përulemi dhe ju falënderojmë për çdo gjë!", shkruan Kelmendi.
Kujtojmë se Albina Kelmendi dhe familja e saj u renditën në vendin e 22-të, me 76 pikë në Eurovision 2023. (A2 Televizion)
A2 CNN Livestream
MUND TE LEXONI GJITHASHTU
