Një grua dhe djali i saj, 5-vjeçar kanë humbur jetën si pasojë e përmbytjeve në Pejë. Policia në vend njoftoi se pas vdekjes së 5-vjeçarit, në lagjen “Asllan Qeshme”, u gjet e vdekur edhe nëna e tij, e cila ishte e zhdukur.
Vdekja e 5-vjeçarit u konstatua nga Spitali i Pejës rreth orës 23:10 të së shtunës. Ndërsa, vdekja e gruas u konstatua nga ekipi mjekësor rreth orës 1:20 të së dielës.
Raportohet po ashtu se në lagjen “Fidanishte” dy persona u dërguan për trajtim mjekësor pas lëndimeve të marra.
Po ashtu, gjatë mbrëmjes të së shtunës ministri i Mbrojtjes, Armend Mehaj njoftoi se njësitë kërkim-shpëtimit të Forcave të Sigurisë së Kosovës ishin nisur në Pejë për të ndihmuar qytetarët pas reshjeve të dendura të shiut. (A2 Televizion)
A2 CNN Livestream
MUND TE LEXONI GJITHASHTU
