Një 55-vjeçar nga Tirana, i identifikuar si Asllan Meçaj, është paraqitur në Spitalin e Vlorës për marrjen e ndihmës mjekësore, pasi është konstatuar me një traumë pas koke.
Sipas korrespondentes së A2 CNN, 55-vjeçari ka ardhur nga Himara, ndërsa është i vetëdijshëm. Mësohet se, ai ka mbetur i plagosur nga goditja me grushte nga një 23-vjeçar, i cili është larguar në drejtim të paditur dhe po punohet për kapjen e tij.
“Himarë/Informacion paraprak: Sot, rreth orës 15:50, në vendin e quajtur “Kryqëzimi i Kampit”, në Dhërmi, dyshohet se pas një konflikti për motive të dobëta, shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve. Vijon kontrolli i zonës për kapjen e autorit të dyshuar të ngjarjes. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.”
NJOFTIMI I POLICISË SË VLORËS
(A2 Televizion)
A2 CNN Livestream
MUND TE LEXONI GJITHASHTU
