Autoritetet kufitare të Muriqanit kanë zbuluar një sasi të madhe parash, rreth gjysmë milion euro, e fshehur në automjetin e një shtetasi shqiptar banues në Itali.
Drejtues i mjetit tip Benz, një 56-vjeçar banues në Ankona dhe me inicialet R.R , u arrestua në flagrancë.
I arrestuari po tentonte të kalonte në mënyrë ilegale në Shqipëri sasinë e parave, sipas informacioneve të marra më parë në rrugë operative.
Ndërkohë që shuma e parave, ekzaktësisht 494 785 euro, u sekuestrua në cilësinë e provës materiale, i arrestuari akuzohet për veprat penale “Mosdeklarimi në kufi i të hollave dhe sendeve me vlerë” dhe “Pastrimi i produkteve të veprës penale ose veprimtarisë kriminale”. (A2 Televizion)
A2 CNN Livestream
MUND TE LEXONI GJITHASHTU
