Policia e Elbasanit ka zhvilluar një operacion për goditjen e personave që qarkullojnë me armë zjarri, apo që i mbajnë në banesë pa leje. Në pranga ka rënë një 44 vjeçar, ndërsa janë në banesën e tij u gjetën dhe sekuestruan një armë zjarri kallashnikov, një pushkë sportive me dylbi, municion luftarak dhe sende të tjera të kundraligjshme.
Njoftimi i Policisë
Në zbatim të planit të masave për kontrollin e personave që mbajnë armë pa leje, bazuar në informacionet e siguruara në rrugë operative dhe ndjekjen me metoda proaktive, u organizua dhe finalizua operacioni policor i koduar “Kral” në kuadër të të cilit u bë arrestimi në flagrancë i shtetasit:
-G.D., 44 vjeç, banues në lagjen “Visarion Xhuvani” Elbasan.
Shërbimet e Policisë gjatë kontrollit të banesës së 44-vjeçarit, gjetën e sekuestruan një armë zjarri kallashnikov, një pushkë sportive me dylbi, rreth 500 copë fishekë luftarak për pistoletë, kallashnikov e mitraloz, një përforcues grushti, një thikë dhe 7 karikatorë.
Provat e mësipërme janë dërguar në Institutin e Policisë Shkencore në Tiranë për t'u ekzaminuar nëse janë përdorur në ngjarje të tjera kriminale.
Gjithashtu po vazhdon puna për dokumentimin e mëtejshëm ligjor të kësaj ngjarje dhe të aktivitetit kriminal të këtij shtetasi nëse është i implikuar në ngjarje kriminale të ndodhura më parë.
Materialet i kaluan për veprime të mëtejshme hetimore Prokurorisë pranë Rrethit Gjyqësor Elbasan për veprat penale "Mbajtja pa leje dhe prodhimi i armëve, armëve shpërthyese dhe i municionit" dhe "Prodhimi, mbajtja, blerja apo shitja pa leje e armëve të ftohta". (A2 Televizion)
A2 CNN Livestream
MUND TE LEXONI GJITHASHTU
