Familja Shkalla në Farkë, e prekur nga tërmeti i 26 nëntorit, ishte ndalesa e radhës së kryeministrit Edi Rama.
Për familjet me fëmijë të vegjël, në kushtet e emergjencës janë vënë në dispozicion kontejnerë dhe jo çadra. Por sipas kryeministrit, kjo situatë do zgjasë edhe për pak kohë, derisa të nisë ndërtimi i lagjeve të reja.
“Në këto raste rindërtohet shtëpia aty ku ka qenë, kurse në rastet e tjera do t’i bëjmë bashkë, nuk do t’i pyesim shumë, në kuptimin e mirë të fjalës. Po ecim shumë shpejt me punët dhe besoj që në fillim të prillit të fillojmë të montojmë shtëpitë e reja”, u shpreh kryeministri.
Gjatë vizitës në këtë familje, Rama nuk mbajti asnjë rezervë për të këmbyer batutat me kryefamiljarin, por edhe me kryebashkiakun Veliaj. (A2 Televizion)
A2 CNN Livestream
MUND TE LEXONI GJITHASHTU
