Ish-Kryeministri Sali Berisha ka sulmuar Strukturën e Posaçme Antikorrupsion, që kërkoi pushimin e çështjes ndaj tre gjyqtarëve që anuluan dënimin e përjetshëm për Dritan Dajtin.
Berisha e konsideroi tërheqjen e prokurorit të SPAK një vendim kriminal dhe të urdhëruar nga kryeministri Edi Rama. Në një mesazh nga rrjetet sociale, Berisha sulmoi Prokurorinë e Posaçme për faktin se sot numëron 8 nga 10 prokurorë që duhet të kishte në përbërje.
Sipas Berishës, 8 prokurorët, u zgjodhën në kundërshtim flagrant me Kushtetutën, pasi u seleksionuan për tre vite me radhë bazuar në kritere politike.
Ish-kryeministri thotë se ky është një fillim kriminal nga një bandë antikushtetuese. Më herët, Partia Demokratike e kishte përshëndetur ngritjen e Prokurorisë së Posaçme, por ka shprehur rezerva për të shkuarën e kreut të saj Arben Kraja. (A2 Televizion)
A2 CNN Livestream
MUND TE LEXONI GJITHASHTU
