Komisioni për Organizimin dhe Kontrollin e Operacioneve Elektorale njofton se procesi në të 6 degët ku po zhvillohen votimet për primaret po ecën normalisht. Sipas komisionit, ka një interesim të madh të demokratëve për të zgjedhur kandidaturën që do t’i përfaqësojë ata në zgjedhjet vendore të datës 6 mars 2022. Komisioni njofton se për shkak të fluksit shumë të madh të votuesve në Qendrën e Votimit në Qytet Shkodër, pjesëmarrjen e kësaj dege do ta njoftojmë në një kohë më të vonë.
Pjesëmarrja deri në orën 10:30:
Dega Dibër: 220
Dega Durrës: 340
Dega Vorë: 120
Dega Rrogozhinë: 110
Dega Lushnjë: 160
Burimi: Komisioni i Rithemelimit, PD
Zgjedhjet e brendshme, huazuar nga modeli amerikan, do të mbahen deri në orën 17:00. Gara e brendshme është më e madhe në Bashkinë e Shkodrës, ku 6 demokratë garojnë me njëri-tjetrin për të fituar kandidaturën.
5 garojnë për Rrogozhinën, 4 në primaret e Lushnjës dhe 3 për kandidaturën e Dibrës. Në Durrës dhe Vorë, demokratët kanë propozuar vetëm 2 kandidatura, të cilat do t’i nënshtrohen një përzgjedhje tjetër nga anëtarësia.
Pavarësisht garës së brendshme, komisioni i rithemelimit ende nuk ka zbuluar sesi do të garojë në zgjedhjet e pjesshme vendore të 6 marsit dhe si do t'i regjistroje kandidatet, kur dy opsionet më të mundshme janë si të pavarur ose në koalicion. Pas publikimit të këtyre emrave nga komisioni i rithemelimit, erdhi dhe reagimi i Partisë Demokratike zyrtare, që deklaroi se nuk i njeh këto kandidatura. (A2 Televizion)
A2 CNN Livestream
MUND TE LEXONI GJITHASHTU
