Mediat britanike bëjnë me dije se Princi Charles është prekur nga virusi i ri Covid-19 që po përhapet me shpejtësi në të gjithë botën. Princi britanik i është nënshtruar testit për koronavirus dhe ka rezultuar pozitiv, ndërsa bashkëshortja e tij Camilla, jo.
Raportohet se Princi i Uellsit është vetizoluar në Kështjellën Balmoral në Skoci, së bashku me Dukeshën e Kornwellit. Charles ka filluar të ndihet keq menjëherë pas takimit të tij të mbajtur me Princin Albert të Monakos, i cili ka rezultuar pozitiv disa ditë më parë.
Një zëdhënës i spitalit Clarence bën me dije se princi 71-vjeçar nuk ndodhet në gjendje të rëndë shëndetësore dhe se po vijon detyrat e tij e tij si monark nga shtëpia.
Zëdhënësi shton se nuk është e qartë se nga kush e ka marrë virusin Charles, për shkak të numrit të madh të angazhimeve publike që ai ka. (A2 Televizion)
A2 CNN Livestream
MUND TE LEXONI GJITHASHTU
