Çështja e strehimit të refugjatëve afganë është një prej temave kryesore të ditëve të fundit në mbarë botën dhe vendin tonë.
E gjitha kjo pasi edhe kryeministri Edi Rama ka pranuar të strehojë një numër të konsiderueshëm nga këta refugjatë, gjë që ka gjetur mbështetjen si rrallë herë dhe nga opozita.
E pikërisht këtij qëndrimi të qeverisë shqiptare dhe kryeministrit të saj i ka kushtuar një shkrim dhe gazeta britanike “The Guardian”.
Kryeministri Rama është shprehur mes të tjerash në të përditshmen britanike se Shqipëria do të presë refugjatët afganë, pasi e ka përjetuar vetë sesi është të jetosh në diktaturë.
“Unë jam i shkatërruar kur shoh njerëz të lënë pas dhe dua t’u jap atyre të paktën mundësinë për të marrë frymë përsëri. Ne e dimë se si është të jetosh nën një diktaturë dhe si është të jesh i huaj që kërkon strehim diku. Bëhet fjalë për ata që jemi; është nder dhe detyrë ta bësh këtë”, u shpreh Rama.
Ai bëri thirrje që vendet e mëdha të tregojnë më shumë solidaritet dhe të mos iu kthejnë kurrizin këtyre njerëzve në vështirësi.
“Nuk e kuptoj, se si vendet më të pasura mund t’i kthejnë shpinën këtij problemi kjo përplaset me vlerat që ne të gjithë predikojmë”, shtoi kryeministri për median britanike. (A2 Televizion)
A2 CNN Livestream
MUND TE LEXONI GJITHASHTU
