Grupi demokrat i Enkelejd Alibeaj kërkon që kandidatëve për kryetarë bashkie t’u japë mundësinë të bëhen pjesë e këshillave vendorë nëse nuk arrijnë të fitojnë garën për drejtimin e qytetit. Bashkëkryetari i djathtë dorëzoi draftin në komisionin e posaçëm të reformës zgjedhore, ku mazhoranca ngriti shqetësime për pengesa kushtetuese.
Alibeaj kërkon që edhe lista për këshillat bashkiakë të jetë e hapur dhe të ketë votë parapëlqyese, siç ndodhi në zgjedhjet parlamentare. Propozim që ka hasur në kundërshtinë e socialistit Damian Gjiknuri.
Socialistët nuk pranuan as kërkesën për të zgjatur afatin kohor prej 4 muajsh të parashikuar në Kod, që nuk lejon shfrytëzimin e burimeve shtetërore në lidhje me tenderat apo politikat ekonomike dhe sociale.
Gjiknuri propozoi që të marren parasysh edhe propozimet e ekspertit të Fatmir Mediut, i cili kërkon rikthimin e koalicioneve.
Tensionet mes Alibeaj dhe Petrit Vasilit të Partisë së Lirisë, u shfaqën edhe në këtë mbledhje, kur dy bashkëkryetarët nuk i dhanë fjalën aleatit të Sali Berishës.
Ne mungesë të dakordësisë, asnjë nga propozimet nuk u miratua. (A2 Televizion)
A2 CNN Livestream
MUND TE LEXONI GJITHASHTU
