Sulm 1200 km larg Ukrainës, dronët e Kievit godasin thellë në Rusi, mbi Dagestan e Mordovia

Dronët ukrainas goditën një fabrikë eksplozivësh në Mordovia dhe një kompleks nafte në Dagestan, thellë brenda territorit rus, mbrëmjen e së martës.

Zyrtarët rajonalë rusë njoftuan sulmin, me Artyom Zdunov, udhëheqësin e Mordovias, që deklaroi se rajoni u prek nga një "sulmi masiv me dronë" në mëngjesin e 22 tetorit.

Ai konfirmoi se një nga objektet industriale ishte dëmtuar, por nuk specifikoi se cila. Zdunov shtoi se shërbimet e emergjencës ishin në vendngjarje dhe se deri më tani nuk kishte raportime për viktima. Portali i pavarur rus i lajmeve ASTRA raportoi se sulmi goditi Uzinën Mekanike të Saranskut në qytetin me të njëjtin emër. Objekti është pjesë e konglomeratit shtetëror të mbrojtjes Rostec dhe prodhon barut, mjete piroteknike dhe karburant raketash.

Mordovia ndodhet rreth 700 kilometra larg kufirit ukrainas dhe u shënjestrua për herë të parë nga dronët ukrainas në prill të vitit 2024. Ndërkohë në Rusinë jugore, dronët kanë arritur deri në Dagestan në brigjet e Detit Kaspik, pothuajse 1,200 kilometra larg Ukrainës. Kreu i rajonit, Sergej Melikov , tha se një uzinë industriale u sulmua, por nuk specifikoi se cila.

Ai shtoi se nuk kishte viktima të raportuara dhe u bëri thirrje banorëve të mos publikojnë informacione rreth sulmeve dhe lëvizjeve të ushtrisë në internet. Sipas kanalit ukrainas të monitorimit Supernova+, një dron goditi terminalin e naftës Dagnefteprodukt, më i madhi në Kaukazin e Veriut.

Një tjetër kanal rus në Telegram, VChK-OGPU, njoftoi se shënjestra ishte rafineria Dagnotech në Makhachkala. Të dy fabrikat më parë ishin në pronësi të ish-Sekretarit të Shtetit të Dagestanit Magomed-Sultan Magomedov, dhe më vonë u shtetëzuan.

Banorët vendas filmuan sulmin me dron, dhe disa burime ruse pohojnë se është jashtëzakonisht shqetësuese që sulmi u krye nga një skuadrilje dronësh të një modeli të panjohur më parë. Ata shtojnë se rafineria në Novokujbiševsk ka ndaluar plotësisht punën pas një sulmi të ri me dron.

Ministria e Mbrojtjes e Rusisë tha se forcat e saj kanë rrëzuar ose kanë interceptuar 33 dronë ukrainas gjatë natës mbi disa rajone, duke përfshirë Bryansk, Leningrad, Rostov dhe Pskov. Raporti i ministrisë nuk i përmend sulmet në Mordovia ose Dagestan.

Sulmi i kryer gjatë natës erdhi vetëm disa ditë pas një vale të re sulmesh thellë në territorin rus. Më 19 tetor, ushtria ukrainase konfirmoi sulmet ndaj objekteve të naftës dhe gazit në rajonet Samarë dhe Orenburg, midis 1,000 dhe 1,500 kilometrave nga fusha e betejës, duke synuar infrastrukturën që mbështet përpjekjet ruse të luftës. (A2 Televizion)