Lëkundje tërmeti me magnitudë 4 të shkallës rihter janë regjistruar mëngjesin e së shtunës pranë Napolit në Itali.
Mediat italiane raportojnë se banorët e Napolit janë zgjuar të frikësuar, ndërsa shumë kanë dalë në rrugë si pasojë e frikës për ndonjë lëkundje edhe më të fortë. Tërmeti ka qenë me epiqendër në zonën e Campi Flegrei, ndërsa ka pasur një thellësi vetëm prej 3 kilometrash.
“Goditja e mëngjesit të sotëm ishte e fortë. Ne kemi marrë menjëherë masat siç bëjmë zakonisht së bashku me Mbrojtjen Civile në të tilla raste. Për momentin nuk kemi raportime për të lënduar”, ka thënë kryebashkiaku i Pozzuoli, aty ku janë ndjerë më shumë lëkundjet.
Pas tërmetit të parë janë regjistruar edhe dy lëkundje të tjera më të lehta. (A2 Televizion)
A2 CNN Livestream
MUND TE LEXONI GJITHASHTU
