Ndotja e ajrit në kryeqytetin e Indisë është rritur në nivele jashtëzakonisht të mëdha, duke shkaktuar probleme te banorët
Monitoruesit regjistruan nivele ndotjeje prej 1500 në Indeksin e Cilësisë së Ajrit, e cila vlerësohet të jetë rreth 15 herë më shumë se kuota që Organizata Botërore e Shëndetësisë e konsideron të pranueshme për frymëmarrjen.
Ajri toksik ka ndërprerë shërbimet e fluturimit dhe ka detyruar autoritetet të mbyllin shkollat dhe të ndalojnë punimet në qytet.
Një masë e tillë vjen vetëm disa javë pasi Lahore, në Pakistanin fqinj, gjithashtu regjistroi nivele të ndotjes mbi 1000.
Ekspertët paralajmërojnë se situata në Delhi mund të përkeqësohet në ditët në vijim, duke thënë se mund të nevojiten masa ekstreme për të luftuar problemin e ndotjes së qytetit.
Sipas OBSH-së, ajri me vlera AQI mbi 300 konsiderohet të jetë i rrezikshëm për shëndetin.
Përveç mbylljes së shkollave dhe ndalimit të punimeve të ndërtimit, qyteti ka ndaluar gjithashtu hyrjen e kamionëve në Delhi dhe u ka kërkuar të gjitha kompanive që 50% e stafit të tyre të punojnë nga shtëpia.
Javën e kaluar, qeveria ndaloi të gjitha aktivitetet që përfshijnë përdorimin e qymyrit dhe druve të zjarrit, si dhe përdorimin e gjeneratorëve me naftë për shërbime jo emergjente. (A2 Televizion)
A2 CNN Livestream
MUND TE LEXONI GJITHASHTU
