Një aksident i rëndë ka ndodhur në Milano, ku një tramvaj ka dalë nga shinat, duke shkaktuar për pasojë vdekjen e dy personave dhe plagosjen e 40 të tjerëve. Mediat italiane raportojnë se tramvaji goditi një restorant dhe disa kalimtarë, raporton A2CNN.
Dy persona raportohet se kanë humbur jetën, një italian 60-vjeçar dhe një senegalez 56-vjeçar, i cili humbi jetën në spital, ku u dërgua në gjendje kritike.
Një hetim ka nisur në lidhje me çështjen, ndërkohë që drejtuesi i tramvajit ka thënë se “është ndjerë keq”, pak para incidentit.
Dyshohet se tramvaji ka qenë duke lëvizur me një “shpejtësi jashtëzakonisht të lartë". Kryeministrja Giorgia Meloni shprehu ngushëllimet e saj në lidhje me ngjarjen.
(A2 Televizion)
A2 CNN Livestream
MUND TE LEXONI GJITHASHTU
