Alarm në Gjermani, mbyllet stacioni i trenit, shkak një kërcënim me bombë

Një operacion i madh policor është duke u zhvilluar në një stacion treni në Gjermani pas një kërcënimi me bombë.

Është stacioni qendror i trenit në Bielefeld dhe sipas mediave gjermane, një burrë thirri policinë dhe tha se një bombë ishte vendosur dhe ishte gati të shpërthente. Policia e cilësoi kërcënimin si serioz.

Në një deklaratë, Policia Federale këshilloi udhëtarët në stacion: “Të gjithë personat që janë aktualisht pas barrikadës në stacionin qendror të trenit duhet të zgjedhin mjete alternative të transportit. Për momentin nuk do të ketë trena nga Bielefeld”.

Gjermania si dhe vendet e tjera evropiane janë në një gjendje gatishmërie të shtuar pas masakrës në Pragë dhe gjithashtu për shkak të frikës intensive të një sulmi terrorist gjatë festave të fundvitit. (A2 Televizion)