Presidenti i Azerbajxhanit, Ilham Aliyev, urdhëroi forcat e armatosura të përgatiten për “nivelin më të lartë të gatishmërisë luftarake”. Aliyev thirri të enjten një mbledhje të sigurisë lidhur me sulmin e dyshuar me dron në rajonin e Nakhchivan dhe mbajti një fjalim ku deklaroi se “çdo forcë armiqësore do të ndiejë fuqinë e plotë të ‘Grushtit tonë të Hekurt’”.
Forcat e armatosura të Iranit kanë mohuar se kanë lëshuar dronë në territorin e Azerbajxhanit. Megjithatë, Aliyev tha se Azerbajxhani “e dënon fuqishëm këtë akt të neveritshëm terrorist” dhe se qeveria e tij ka thirrur ambasadorin iranian në Ministrinë e Jashtme në Baku, shkruan A2 CNN.
“Ata që janë përgjegjës duhet të sillen para drejtësisë pa vonesë”, tha ai. “Pala iraniane duhet t’i japë Azerbajxhanit një shpjegim zyrtar, të kërkojë falje dhe të sigurojë që autorët të mbajnë përgjegjësi penale”.
Aliyev shtoi se forcat e armatosura të Azerbajxhanit “janë vendosur në nivelin më të lartë të gatishmërisë luftarake dhe janë të përgatitura për të kryer çdo operacion të nevojshëm”. “Ne nuk do të tolerojmë këtë akt të paprovokuar terrori dhe agresioni kundër Azerbajxhanit”, deklaroi Aliyev. (A2 Televizion)
A2 CNN Livestream
MUND TE LEXONI GJITHASHTU
