Trupat ruse kanë avancuar në qytetin të pasur me burime natyrore të Ukrainës lindore, Wuhledar. “Lufta po zhvillohet në zonën e qytetit. Prandaj, pothuajse nuk është më e mundur të sillni ndihma humanitare atje", tha Guvernatori i Rajonit të Donetsk për një kanal ukrainas të lajmeve, bën me dije media gjermane, Die Welt. Njësitë ruse kanë avancuar pothuajse në qendër të qytetit.
Nga pothuajse 15,000 banorët para luftës, aktualisht kanë mbetur në qytet vetëm 107 banorë. Qyteti i vogël i Wuhledar ka qenë një zonë e vijës së parë që nga viti 2022. Vëzhguesit ushtarakë supozojnë se Wuhledar së shpejti do të kapet nga ushtria ruse, transmeton A2.
Në të njëjtën kohë, ushtria ruse raportoi dy qytete të tjera të pushtuara. Ministria e Mbrojtjes në Moskë tha se Vyshneve në rajonin e Kharkiv në kufi me rajonin Luhansk ishte marrë. Megjithatë, raporti i Shtabit të Përgjithshëm të Ukrainës thoshte se sulmet ruse në këtë sektor u zmbrapsën. Sipas informacioneve ruse, fshati Krutyj Yar në rajonin e Donetskut është nën kontrollin rus, raportn A2.
Ndërkohë zëvendës ministri i jashtëm rus, Sergei Ryabkov, ka bërë me dije se Moska duhet të përgatitet për një konfrontim të gjatë me Shtetet e Bashkuara dhe i ka dërguar paralajmërime të përsëritura Uashingtonit për krizën në marrëdhëniet mes tyre. Ryabkov, i cili mbikëqyr kontrollin e armëve dhe marrëdhëniet me Uashingtonin, tha se Moska nuk kishte iluzione për marrëdhëniet, duke pasur parasysh "konsensusin dypartiak anti-rus" në Shtetet e Bashkuara, shkruan A2.
Si pasojë e avancimit të shpejt rus, Ukraina mund të afrohet më shpejt me NATO. Kështu shkruan prestigjiozja Financial Times. Në një nga vendimet e Joe Biden të fundit të politikës së jashtme si president i SHBA-së, Joe Biden mund të pranojë të avancojë kërkesën e Kievit për anëtarësim në NATO në takimin e grupit të kontaktit të Ukrainës në nivel udhëheqës më 12 tetor në Gjermani. Biden, sipas një analisti nga Këshilli Evropian për Marrëdhëniet me Jashtë, mund të përdorë të ashtuquajturin "modeli gjermano-perëndimor" i anëtarësimit në NATO. (A2 Televizion)
A2 CNN Livestream
MUND TE LEXONI GJITHASHTU
