Kryeministri i Mbretërisë së Bashkuar, Keir Starmer, do të kryesojë një takim virtual të "koalicionit të të vullnetshëm" këtë mëngjes për të informuar udhëheqësit mbi rezultatet e diskutimeve për Ukrainën në Uashington dhe për të diskutuar hapat e mëtejshëm.
Sipas mediave të huaja, koalicioni është një grup kombesh, përfshirë Mbretërinë e Bashkuar, Francën dhe Gjermaninë, të cilat janë zotuar të mbrojnë paqen në Ukrainë, sapo ajo të arrihet.
Kancelari gjerman Friedrich Merz thotë se në takim do të diskutohen garancitë e sigurisë, shkruan A2 CNN.
Një zëdhënës i qeverisë tha se edhe kryeministri i Polonisë, Donald Tusk do të marrë pjesë në takim.
Ndërkohë, ish-presidenti rus Dmitry Medvedev shprehu përbuzjen e tij për grupin në rrjetet sociale.
"Koalicioni i Vullnetit, luftënxitës anti-rus, dështoi ta tejkalonte @POTUS-in në territorin e tij", shkroi ai në rrjetin social ‘X’. (A2 Televizion)
A2 CNN Livestream
MUND TE LEXONI GJITHASHTU
