Mbretëria e Bashkuar po tërheq personelin ushtarak nga një bazë amerikane në Katar.
Sky News raporton se kjo lëvizje vjen pasi Presidenti Donald Trump u tha protestuesve në Iran se "ndihma është duke ardhur" dhe premtoi "veprime shumë të forta" nëse qeveria në Teheran vazhdon me ekzekutimet e planifikuara.
Irani ka thënë vazhdimisht se do të hakmerret kundër vendeve ushtarake amerikane në rajon, nëse Amerika sulmon.
SHBA-të kanë filluar gjithashtu tërheqjen e një pjese të stafit nga Baza Ajrore Al Udeid, e drejtuar nga SHBA-të në Katar, e cila është baza më e madhe amerikane në rajon.
Një zëdhënës i Ministrisë së Mbrojtjes tha: “Ne nuk komentojmë mbi detajet e vendosjes së bazave dhe vendosjeve për shkak të sigurisë operacionale.”
"Mbretëria e Bashkuar gjithmonë vendos masa paraprake për të ruajtur sigurinë dhe mbrojtjen e personelit tonë, duke përfshirë, kur është e nevojshme, tërheqjen e personelit", tha ai në tej, shkruan A2 CNN.
Por nga të dhënat e ofruara, nuk ishte menjëherë e qartë nëse i gjithë personeli britanik po tërhiqej nga baza në Katar. (A2 Televizion)
A2 CNN Livestream
MUND TE LEXONI GJITHASHTU
