Autoritetet belge kanë arrestuar tetë persona të botës së krimit, në kuadër të një hetimi për një komplot të mundshëm që synonte eliminimin fizik të kryeprokurorit të Brukselit. Arrestimet u kryen të martën, pas kontrolleve në 18 ambiente të ndryshme, kryesisht në rajonin e Brukselit, njoftoi prokuroria federale belge.
Sipas deklaratës zyrtare, në korrik të vitit 2025 policia e Brukselit informoi prokurorinë se kishte marrë sinjale për një plan të strukturuar për vrasjen e kryeprokurorit. Hetimet paraprake kanë zbuluar se personat kryesorë të dyshuar kanë precedentë penalë të lidhur me trafikun e organizuar të drogës dhe mund të kenë lidhje me mafien shqiptare të narkotikëve, të paktën sipas raportimit të Reuters.
Vitet e fundit, Brukseli është kthyer në një nga pikat më problematike të Evropës për sa i përket trafikut të drogës. Zyrtarët belgë raportojnë se në territorin e vendit operojnë mbi 100 nga rrjetet kriminale më të rrezikshme në kontinent, shkruan A2 CNN.
Në shkurt të këtij viti, autoritetet u detyruan të mbyllnin disa stacione metroje në Bruksel, ndërsa kërkonin dy persona të armatosur pas një përplasjeje të dyshuar mes bandave të drogës. (A2 Televizion)
A2 CNN Livestream
MUND TE LEXONI GJITHASHTU
