Kalifornia po përballet sërish me një sezon zjarresh shkatërruese. Situata më e rënduar paraqitet në kodrat e Pyllit Kombëtar Los Padres, duke shkaktuar evakuime emergjente dhe duke kërcënuar jetën dhe pronën e banorëve lokalë.
Zjarri shpërtheu të premten përgjatë Rrugës Shtetërore 166, midis qyteteve Santa Maria dhe Bakersfield, rreth 180 kilometra në veri të Los Angeles. Brenda pak ditësh, flakët kanë përfshirë mbi 26,000 hektarë me shkurre të thata, ndërsa afro 450 struktura janë në rrezik.
Sipas autoriteteve lokale, tre persona janë lënduar deri tani si pasojë e flakëve ose përpjekjeve për evakuim.
Agjencia shtetërore CalFire ka bërë të ditur se ky zjarr është një nga më agresivët e këtij sezoni, i nxitur nga moti i nxehtë që ka krijuar kushte ideale për përhapjen e flakëve.
Banorëve në zonat e prekura u është kërkuar të ndjekin me vëmendje udhëzimet e emergjencës dhe të jenë të gatshëm për evakuim të menjëhershëm.
(A2 Televizion)
A2 CNN Livestream
MUND TE LEXONI GJITHASHTU
