Hezbollahu ka dislokuar luftëtarë elitë për t’u përballur me forcat izraelite në jug të Libanit, duke i dërguar përsëri në rajonin kufitar nga i cili ishin tërhequr pas luftës së vitit 2024, thanë tre burime libaneze të njohura me dislokimet, ndërsa grupi i mbështetur nga Irani po përfshihet gjithnjë e më thellë në konfliktin në Lindjen e Mesme, shkruan A2 CNN.
Anëtarët e forcës Radwan të Hezbollahut kishin marrë urdhër të bashkoheshin në betejë dhe të bllokonin përparimin e tankeve izraelite, thonë burimet, duke përmendur qytetin Khiyam, një nga disa zona ku trupat izraelite thuhet se kanë avancuar të mërkurën.
Luftëtarët elitë të Hezbollahut u dislokuan në jug pasi grupi i shpallur organizatë terroriste hapi zjarr me raketa dhe dronë të hënën, sipas burimeve, të cilat folën në kushte anonimiteti për shkak të ndjeshmërisë së çështjes.
Ata ishin larguar nga ajo pjesë e Libanit, konkretisht nga zona midis lumit Litani dhe kufirit me Izraelin, pas një armëpushimi të ndërmjetësuar nga SHBA në nëntor, duke u zhvendosur në veri të lumit. (A2 Televizion)
A2 CNN Livestream
MUND TE LEXONI GJITHASHTU
