Vetëm pak orë më parë, agjencia e lajmeve në Kuvajt raportoi se porti i rafinerisë Mina al-Ahmadi u godit sërish.
Kjo është hera e tretë në dy javët e fundit. Porti i rafinerisë al-Ahmadi ndodhet rreth 30 km në jug dhe është një nga rafineritë më të mëdha në Lindjen e Mesme, përcjell A2CNN.
Ai është gjithashtu jetik për konsumatorët vendas dhe tregun e brendshëm në Kuvajt.
Kemi parë sulme iraniane në të gjithë rajonin e Gjirit. Sipas ekipeve tona, alarmet janë aktivizuar në Emiratet e Bashkuara Arabe. Në Bahren ka pasur disa alarme në orët e fundit. Në Arabinë Saudite, ministria e mbrojtjes njoftoi se janë interceptuar gjashtë dronë.
Këtu në Kuvajt, nga pikëpamja gjeografike, është vendi më i afërt me Iranin. Vetëm 80 km e ndajnë Kuvajtin nga vija bregdetare iraniane. Është ndoshta një nga vendet më lehtësisht të goditshme nga Irani.
Gjithashtu, ai kufizohet me Irakun, dhe për këtë arsye ka pasur shqetësime ditët e fundit se këto sulme mund të vijnë nga grupe të lidhura me Iranin në Irak.
(A2 Televizion)
A2 CNN Livestream
MUND TE LEXONI GJITHASHTU
