Hezbollah ka deklaruar se ka lëshuar breshëri raketash drejt disa fshatrave në veri të Izraelit dhe ndaj pozicioneve ushtarake izraelite në jug të Libanit.
Në postime në Telegram, grupi tha se ka goditur me raketa zonat Avivim dhe Shlomi, si dhe një kazermë në Kfar Giladi, në veri të Izraelit.
Sipas deklaratës, janë lëshuar gjithashtu raketa ndaj një pozicioni të ri ushtarak izraelit në Jabal al-Bat, në qytetin Aitaroun në jug të Libanit, si dhe ndaj një grupi ushtarësh izraelitë në një zonë pyjore aty pranë.
Sulmi është pjesë e vargut të sulmeve të njëpasnjëshme mes Izraelit dhe Hezbollahut gjatë javëve të fundit dhe përbën një vazhdimësi të operacioneve ushtarake që nga 8 tetori i vitit 2023. Hezbollahu, i financuar nga Irani, ka qenë pjesë e konfliktit të ndërmjetëm iraniano-izraelit, i cili ka shkaktuar shumë viktima si në radhët e ushtarakëve, ashtu edhe të civilëve. (A2 Televizion)
A2 CNN Livestream
MUND TE LEXONI GJITHASHTU
