Ministria e Jashtme e Iranit u ka bërë thirrje organizatave joqeveritare të intensifikojnë dokumentimin e asaj që Teherani i përshkruan si krime të kryera nga Shtetet e Bashkuara dhe Izraeli, me synim përdorimin e materialeve në procese gjyqësore brenda dhe jashtë vendit.
Zëdhënësi i Ministrisë së Jashtme, Esmaeil Baghaei, deklaroi në një konferencë të përbashkët për shtyp se qeveria iraniane duhet të mbështetet më shumë te OJQ-të dhe organizatat e shoqërisë civile për dokumentimin e rasteve që Teherani i konsideron shkelje.
Sipas Baghaeit, këto organizata mund të evidentojnë edhe ndikimin e sanksioneve amerikane dhe perëndimore në jetesën e qytetarëve, furnizimin me ilaçe dhe sistemin shëndetësor. Ai tha gjithashtu se Irani mbështet përfshirjen e këtyre grupeve në organizata ndërkombëtare, përfshirë Këshillin e të Drejtave të Njeriut të OKB-së.
Duke iu referuar rasteve në Minab, Lamard dhe Qeshm, Baghaei i cilësoi ato si shembuj të asaj që ai i përshkroi si krime amerikane, duke theksuar se, sipas tij, raste të tilla janë të shumta dhe duhet të dokumentohen.
(A2 Televizion)
A2 CNN Livestream
MUND TE LEXONI GJITHASHTU
