Izraeli ka deklaruar se do të rihapë kalimin kufitar të Rafahut me Egjiptin vetëm pas përfundimit të operacionit për gjetjen e trupit të pengut të fundit izraelit të vdekur, oficerit të policisë Ran Gvili, i mbajtur në Gaza.
Kalimi kufitar i Rafah-ut ka qenë kryesisht i mbyllur që prej majit 2024 dhe pritej të hapej gjatë fazës së parë të armëpushimit Izrael–Hamas, por qeveria izraelite e ka kushtëzuar këtë hap me bashkëpunimin e Hamasit për kthimin e trupit.
Ushtria izraelite ka nisur një kërkim të ri në veri të Gazës, që sipas mediave izraelite mund të zgjasë disa ditë.
Ndërkohë, autoritetet palestineze kanë deklaruar se Rafah-u pritet të hapet në të dyja drejtimet brenda javës.
Kjo vjen ndërsa SHBA-ja dhe ndërmjetës të tjerë vazhdojnë të ushtrojnë presion mbi të dyja palët që të ndërmarrin hapat e mëtejshëm për të çuar përpara planin e paqes të Presidentit Donald Trump.
(A2 Televizion)
A2 CNN Livestream
MUND TE LEXONI GJITHASHTU
