Presidenti i SHBA-së, Donald Trump, i quajti “budallenj” amerikanët që janë kundër luftës me Iranin, gjatë një deklarate për gazetarët në Shtëpinë e Bardhë. Kur u pyet se çfarë do t’u thoshte atyre qytetarëve që kundërshtojnë përfshirjen e SHBA-së në konfliktin iranian, ai u përgjigj shkurt: “Janë budallenj.”
Trump shtoi se lufta ka një qëllim të qartë dhe të thjeshtë: Irani nuk duhet të ketë armë bërthamore. Ai theksoi se kjo është arsyeja kryesore për veprimet amerikane dhe për mbajtjen e presionit ndaj regjimit të Teheranit. Deklarata e tij erdhi në një moment të tensionuar ndërkombëtar, ndërsa SHBA-ja ka vendosur afate për Iranin lidhur me rihapjen e Ngushticës së Hormuzit dhe ka kërcënuar me sulme ndaj infrastrukturës strategjike iraniane nëse kërkesat nuk plotësohen. “Lufta ka të bëjë me një gjë, Irani nuk mund të ketë armë bërthamore.”
Komentet e Trump-it kanë shkaktuar reagime të ndryshme brenda dhe jashtë vendit, pasi disa analistë dhe politikanë argumentojnë se shqetësimet e publikut amerikan duhet të merren më seriozisht, dhe se çdo përshkallëzim i konfliktit në Lindjen e Mesme mund të ketë pasoja të mëdha për stabilitetin rajonal dhe tregjet globale. (A2 Televizion)
A2 CNN Livestream
MUND TE LEXONI GJITHASHTU
