Parlamenti i Libanit ka zgjedhur shefin e ushtrisë të mbështetur nga SHBA, si President të vendit, duke i dhënë fund një ngërçi politik shumëvjeçar dhe vakumi presidencial. Shefi i ushtrisë, Joseph Aoun u votua president pas dy raundeve të votimit.
Kjo erdhi pas një përpjekjeje të fuqishme nga Arabia Saudite dhe Shtetet e Bashkuara për të mbledhur mbështetje për Aoun, i cili është afër Uashingtonit dhe Riadit. Libani ka mbetur pa president që nga përfundimi i mandatit të ish-presidentit Michel Aoun, në tetor 2022. Ish-presidenti u mbështet nga Hezbollahu dhe nga Irani.
Negociatat mbi pasardhësin e tij ishin të pasuksesshme, duke rigjallëruar tensionet midis kampeve pro-perëndimore dhe pro-iraniane të vendit. Përpara sesioneve parlamentare të së enjtes, pati 12 përpjekje të dështuara për të zgjedhur një president gjatë dy viteve të fundit. (A2 Televizion)
A2 CNN Livestream
MUND TE LEXONI GJITHASHTU
