Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, ishte në aeroportin ndërkombëtar të Sana'a kur u shënjestrua nga një sulm ajror. Kjo u bë e ditur nga vetë kreu i OBSH-së në një postim të enjten në X.
“Ndërsa ishim gati të hipnim në fluturimin tonë nga Sana'a, rreth dy orë më parë, aeroporti u bombardua nga ajri. Një nga anëtarët e ekuipazhit të avionit tonë u plagos. Të paktën dy persona u raportuan të vrarë në aeroport. Kulla e kontrollit të trafikut ajror, vendi i nisjeve, vetëm pak metra larg vendit ku ishim dhe pista u dëmtuan”.
Ai tha se kolegët e tij të OKB-së dhe OBSH-së janë të sigurt dhe se do të duhet të presin që dëmtimi i aeroportit të riparohet përpara se të largohen.
Më tej ai shtoi: “Ngushëllimet tona të përzemërta për familjet, të dashurit e të cilëve humbën jetën në sulm”.
Hamasi ka lëshuar gjithashtu një deklaratë duke dënuar sulmet izraelite në vendet e kontrolluara nga Houthi në Jemen. Një deklaratë nga grupi, e ndarë nga AFP, thotë:
“Hamasi dënon agresionin brutal terrorist të kryer nga armiku sionist kundër vëllezërve tanë nga Jemeni, duke synuar vendet civile, duke përfshirë aeroportin e Sana'a dhe portin e Hodeida”. (A2 Televizion)
A2 CNN Livestream
MUND TE LEXONI GJITHASHTU
