Sipas raportimeve të mediave pakistaneze, kryetari i Parlamentit të Iranit, Mohammad Bagher Ghalibaf, dyshohet se ka udhëtuar nga Teherani drejt Islamabadit në një fluturim që përshkruhet si “sekret”.
Burimet mediatike pretendojnë se ky udhëtim është kryer me një nivel të lartë koordinimi ndërkombëtar, madje me miratim të mundshëm nga SHBA dhe Izraeli një zhvillim i pazakontë duke pasur parasysh tensionet e forta në rajon.
Sipas të njëjtave raportime, kalimi i avionit përmes hapësirave ajrore të monitoruara ngushtë sugjeron përfshirjen e disa aktorëve ndërmjetës, përfshirë Pakistan, Turqi dhe Egjipt, të cilët mund të jenë duke lehtësuar komunikimet diplomatike në sfond.
Në këtë kontekst, po qarkullojnë edhe spekulime se në Islamabad mund të zhvillohen takime të fshehta mes përfaqësuesve të Shtetet e Bashkuara dhe zyrtarëve iranianë, me fokus një armëpushim të mundshëm ose çështje strategjike si rihapja e Ngushtica e Hormuzit.
Megjithatë, deri tani nuk ka konfirmim zyrtar nga palët e përfshira. Autoritetet iraniane vijojnë të mohojnë publikisht çdo negociatë të drejtpërdrejtë me SHBA-në.
(A2 Televizion)
A2 CNN Livestream
MUND TE LEXONI GJITHASHTU
